Бременост

Тек на бременост

Дома
Тек на бременост

Прва до трета недела

Вие и вашето бебе од првата до третата гестациска недела

Вашата недела на бременост се пресметува од првиот ден од последната менструација. Околу 14тиот ден од менструацијата настанува овулација (или неколку дена пред/потоа во зависнот од траењето на менструалниот циклус). Во рок од 24 часа од овулацијата, настанува оплодување на јајце клетката со сперматозоидот. Пет до шест дена по овулацијата, настанува вгнездување на оплодената јајце клетка во матката, или имплантација.

Вие:

-Доцнење на менстраулен циклус

-Најточен начин да потврдите дека сте бремени е да направите тест за бременост. Доколку резултатот е позитивен, треба да закажете преглед кај вашиот гинеколог-акушер.

Работи на кои треба да обрнете внимание:

Земање фолна киселина од 400 микрограми додека пробувате да забремените и во тек на бременоста до 12 г.н., земање на витамин Д 10микрограми дневно, престанете со пушење, избегнувајте внесување на алкохол, недоволно термички обработена храна и месо, млади сирења, ограничете го внесот на кафе, избегнувајте суплементи со високи дози мултивитамини, особено витамин А.

Зошто е важно да земате фолна киселина пред и за време на бременоста?

Фолна киселина е витамин од грпата Б, што помага во спречвање на дефекти при формирањето на невралната цевка кај бебето и сериозни абнормалности кај мозокот и рбетот. Нејзин недостаток придонесва и за ниска родилна тежина и превремено породување. Синтетичката форма се наоѓа во форма на сплементи за бремени жени во форма на folic acid. Добри извори на фолна киселина се: житарици, спанаќ, грав, грашок, кикирики, портокали. Потребно е да внесувате суплементи со 400 микрограми фолна киселина на ден, 3 месеци пред бременоста и првите три месеци од бременоста. Ако бремените жени ја земаат препорачаната количина на фолна киселина се спречуваат 50 – 70% од оштетвањето на невралната цевка кај ембрионот. Треба да нагласиме дека постојат група на пациентки, кај кои не може да се ресорбира фолната киселина и во тој случај се дава Methylfolate, но за тоа секако треба да се консултирате со Вашиот гинеколог-акушер уште кога ќе почнете да планирате бременост.

Четврта недела

Вие и вашето бебе во четвртата недела од бременоста

Вашето бебе:

Ембрионот е збир на клетки подредени во 3 ембрионални ливчиња од кои подоцна ќе се развијат сите органи на бебето. Во овие рани недели од бременост ембрионот е прикачен на мал yolk sac (жолточна вреќичка) која го исхранува, се додека не се формира постелката. Ембрионот е опкружен со вода во амнионската вреќичка, од нејзиниот надворешен дел ќе се формира постелката, која се вгнездува во ѕидот на матаката и обезбедува хранливи материи на бебето во текот на целата бременост.

Вие:

Може да немате никакви симптоми дека сте бремени, освен доцнење на менструалниот циклус и осетливост на дојките, можете да потврдите дека сте бремени со тест за бременост.

За што да размислувате:

Закажете преглед кај вашиот гинеколог-акушер.

Петта недела

Вие и вашето бебе во петтата недела од бременоста

Вашето бебе:

Ембринот е долг околу 2mm, се развива нервниот систем и основата на сите органи е веќе присутна. Се формира срцето и невралната цевка, од која подоцна ќе се развијат мозокот и рбетниот мозок.

Вие:

Започнете со антенатални прегледи особено ако имате некои други здравствени проблеми кои можат да влијаат врз бременоста: болести на срце или бели дробови, епилепсија, ментални здрвствени проблеми, дијабетес, астма. Разговарајте со вашиот доктор за сите лекови што ги земате.

На што да обрнете внимание:

Пијте редовно фолна киселина, избегнувате алкохол и цигари, направете план за искрана богата со витамини и минерали.

Шеста недела

Вие и вашето бебе во шестата недела од бременоста

Вашето бебе:

Формирано е веќе срцето и може да се забележи чукање на срцето при вагинален ултазвучен преглед. Се формираат зачетоци на рацете и нозете, се формира зачеток на ушите.

Вие:

Може да чувствувате промени во расположението и емоциите како резултат на хормни.

На што треба да внимавате:

Треба да го закажете првиот преглед кај вашиот гинеколог-акушер.

Седма недела

Вие и вашето бебе во седмата недела од бременоста

Вашето бебе:

Ембрионот е пораснат околу 10mm. Мозокот расте многу брзо и затоа главата расте побрзо од останатиот дел на телото. Нервните клетки се мултиплицираат и нервниот систем (мозокот и р’бентниот мозок) добиваат форма. Рацете и нозете продолжуваат да се развиваат.

Вие:

Матката е порасната отприлика колку лимон. Може да чувствуваре замор, може да ги чувствувате градите болни и зголемени и може да забележите почесто мокрење, може да чувствувате утринско гадење и повраќање кое треба да се подобри по 14та гестациска недела, може да имате проблеми со крварење или болни непца.

На што да обрнете внимание:

Прва посета кај вашиот гинеколог-акушер, одржувајте хигиена на усната празнина и редовно правете контроли кај вашиот стоматолог.

Осма недела

Вие и вашето бебе во осмата недела од бременоста

Вашето бебе:

Во осмата недела вашето бебе е долго окол 13 мм, а просечната тежина е 1 грам. Нозете стануваат подолги. Постелката започнува да се формира.

Вие:

Матката е порасната отприлика колку лимон. Може да чувствуваре замор, може да ги чувствувате градите болни и зголемени и може да забележите почесто мокрење, може да шувствувате утринско гадење и повраќање кое треба да се подобри по 14та гестациска недела, може да имате проблеми со крварење или болни непца. Може да забележите вагинално крварење кое веднаш треба да го пријавите кај вашиот гинеколог- акушер.

На што да обрнете внимание:

Разговарајте со вашиот гинеколог-акушер за фреквенцијата на вашите антенатални прегледи, направете крвна слика, проверете го документот за крвна група и Рх фактор.

Деветта недела

Вие и вашето бебе во деветтата недела од бременоста

Вашето бебе:

Се формира вашето бебе и е со должина од околу 22mm. Се формираат уста и јазик. Се формираат дланките и стапалата. Сите внатрешни органи продолжуваат да се развиваат.

Вие:

Градите може да ги чувствувате зголемени. Може да забележите промени во емоциите. Може да забележите зголемен вагинален секрет, кој секако треба да го пријавите ако е со непријатен мирис, предизвикува чешање, печење или непријатно чувство.

На што да обрнете внимание:

Кај вашиот гинеколог-акушер ќе биде направен целосен антенатален преглед: мерење на висина и тежина, пресметување BMI, проверка на уринарен седимент (за присуство на протеини во урина), мерење на крвен притисок, анализа на крвна слика, проверка на крвна група и Рх фактор, ОГТТ ако сте во групата на високо ризични пациентки (обезни, диабетес во претходна бременост, имате близок роднина со дијабетес, претходна бременост со раѓање дете од 4.5кг или повеќе).

Десетта недела

Вие и вашето бебе во десеттата недела од бременоста

Вашето бебе:

На лицето од бебето веќе можат да се забележат уши кои сеуште се развиваат, горната усна и двете ноздри од носот. Се развиваат вилиците кои ги содржат идните млечни заби. Срцето е целосно формирано и чука 180 пати во минута, што е 2-3 пати побрзо од нашето срце. Бебето прави мали, отсечни движења кои можат да се забележат при ултразвучниот преглед.

Вие:

Ќе ви биде објаснето за првиот скрининг за откривање на Down’s Syndome, Edwards’ Syndorme, Patau Syndrome. Заштитете се од настинки и кашлица, дозволено е примање на вакцини во текот на бременоста.

На што да обрнете внимание:

Разговарајте со вашиот гинеколог-акушер за следната антенатална проверка.

Единаестта недела

Вие и вашето бебе во единаесеттата недела од бременоста

Вашето бебе:

Бебето расте брзо, а исто и постелката се развива брзо. Коските на лицето се веќе формирани. Очните капаци се затворени во следните неколку месеци. Главата на бебето чини 1/3 од неговата целосна должина, но брзо расте и телото, прстите на рацете и нозете започнуваат да се разделуваат. Се јавуваат нокти на рацете.

Вие:

Појавата на главоболки може да е резултат на промени во телото. Ограничето го внесот на кафе, а зголемете го внесот на витамини и минерали, како и зголемен внес на течности.

На што да обрнете внимание:

Дискутирајте со вашиот гинеколог-акушер за вашите права во тек на бременоста, за користење на породилно отсуство, разговарајте за закажување на прв скрининг од 11 до 13+6 гестациски недели, кој се состои од ултразвучен преглед и приска тест.

Дванаесетта недела

Вие и вашето бебе во дванаесеттата недела од бременоста

Вашето бебе:

Фетусот е целосно формиран и сите органи се на место, од сега продолжува да расте и да созрева.

Вие:

Сеуште е рано да ги чувствувате движењата на бебето. Може да забележите констипација. Од време на време може да чувствувате болка во стомакот и грчеви како резултат на констипација, гасови или како резултат на растење на матката и растегнување на лигаментите. Пријавете кај вашиот гинеколог-акушер доколку таа болка е интензивна, или е пропратена со крварење, и не е поврзана со горенаведените симптоми.

На што да обрнете внимание:

Разговарајте со вашиот гинеколог-акушер за првиот скрининг во бременоста, кој треба да се направи од 11 до 13+6 гестациски недели, земете микробилошки брисеви.

Тринаесетта недела

Вие и вашето бебе во тринаесеттата недела од бременоста

Вашето бебе:

Вашето бебе тежи околу 25грама. Овариумите и тестисите на бебето се целосно развиени, а се формираат и надворешните гениталии . Полот на бебето сеуште е рано да се види на ултразвучен преглед.

Вие:

Би требало веќе да се чувствувате подобро, односно да се намалат утрниските мачнини и повраќања. Може да почувствувате поголема потреба за сексуални односи како резултат на хормоните од самата бременост и зголемениот крвен проток низ карлицата. Сосема е во ред и ако не чувствувате таква промена. Стомакот полека почнува да расте бидејќи и матаката расте. Ако почесто мокревте во претходниот период, сега треба да почувствувате олеснување поради тоа што матката се качува нагоре, излегува од малата карлица. Разговарајте се со вашиот гинеколог-акушер ако чувствувате болка при мокрење или било каква непријатност во генитална регија.

На што да обрнете внимание:

Направете шема на исхрана, внесувајте ги сите витамини и внесувајте доволно течности.

Четиринаесетта недела

Вие и вашето бебе во четиринаесеттата недела од бременоста

Вашето бебе:

Вашето бебе е долго околу 85mm мерено од главата до газето. Во овој период, бебто почнува да голта мала количина од амнинската течност која минува до желудникот, бубрезите започнуваат да функционираат и проголтаната амнионска течност повторно се враќа назад во амнионската течност како урина.

Вие:

Колку килограми ќе се поправите во текот на бременоста зависи од тежината пред бременоста. Нормално е да се поправите 10-12.5кг во текот на бременоста. Потрудете се да останете активни во текот на бременоста и да ги извршувате секојдневните активности,доколку имате нормална бременост( секако во консултација со Вашиот гинеколог-акушер).

На што да обрнете внимание:

Правете редовни антенатални проверки и информирајте го вашиот гинеколог-акушер за било какви промени што ги чувствувате.

Петнаесетта недела

Вие и вашето бебе во петнаесеттата недела од бременоста

Вашето бебе:

Во овој период бебето започнува да слуша, звуците од надвор, вашите црева, вашиот глас и вашето срце. Очите исто така стануваат сензитивни на светлина и покрај тоа што очите на вашето бебе се сеуште затворени, може да распознава светлина која доаѓа надвор од стомакот.

Вие:

Нормално е да забележите зголемен вагинален секрет кој треба да е редок, проѕирен или млечно бел, без непријатна миризба. Доколку забележите некаква миризба или чешање/болка, веднаш пријавете го тоа кја вашиот гинеколог-акушер. Може да почувствувате болка во грбот бидејќи матката расте и хормоните од бременоста ги афектираат лигаментите на малата карлица.

На што да обрнете внимание:

Шеснаесетта недела

Вие и вашето бебе во шестнаесеттата недела од бременоста

Вашето бебе:

Мускулите на лицето на бебето се веќе формирани и тоа може да прави гримаси, кои сеуште не може да ги контролира. Нервниот систем продолжува да се развива, бебето може да ги движи дланките, да формира тупаница.

Вие:

Чешање во тек на бременоста може да е резултат на ретко заболување на црниот дроб, интрахепатална холестаза во бременост (акушерска холестаза).

На што да обрнете внимание:

Седумнаесетта недела

Вие и вашето бебе во седумнаесеттата недела од бременоста

Вашето бебе:

Тежината на вашето бебе е околу 170грама. Вашето бебе може да ги двимжи очите, но очните капаци се сеуште затворени. Може да ја отвара и затвора устата. Кожата на прстите е веќе формирана и бебето има свој отпечаток на прстите.

Вие:

На што да обрнете внимание:

Трудете се да бидете активни и да вежбате. Пријавете било каква промена кај вашиот гинеколог.

Осумнаесетта недела

Вие и вашето бебе во осумнаесеттата недела од бременоста

Вашето бебе:

Бебето започнува да се движи и да реагира на музика од надворешната средина.

Вие:

Може да ги почувствувате првите движења на вашето бебе во период од 16та-24та гестациска недела. Можно е да почувствувате болка во стомакот како резултат на констипација, гасови или како резултат на растење на матката. Разговарајте за овој проблем во вашиот гинеколог- акушер. Можна е појава на главоболки, кои се чести, но можат да бидат и сериозни затоа информирајте го вашиот гинеколог-акушер.

На што да обрнете внимание:

Разговарајте со вашиот гинеколог-акушер за вториот скрининг во текот на бременоста, кој се прави од 20та до 24та гестациска недела.

Деветнаесетта недела

Вие и вашето бебе во деветнаесеттата недела од бременоста

Вашето бебе:

Почнува да ја зголемува својата тежина, но сеуште нема доволно масно ткиво.

Вие:

Ги чувствувате движењата на бебето. Не постои број на движења што треба да го чувствувате, туку треба да ја научите шемата на движење на вашето бебе и да се водите според тие движења. Доколку тие движења не се со секојдневната фреквенција, информирајте го вашиот гинеколог-акушер и на правете преглед. Промени во хормоните може да се причина за болка во карлицата и колковите.

На што да обрнете внимание:

Редовно мерете го крвниот притисок и информирајте го вашиот гинеколог-акушер ако постојат некакви промени.

Дваесетта недела

Вие и вашето бебе во дваесеттата недела од бременоста

Вашето бебе:

Кожата на вашето бебе е покриена со бела, масна супстанца наречена верникс, која ја заштитува кожата на бебето со недели од амнионската течност.

Вие:

Може да забележите темна линија од папокот надолу (linea nigra) и испапчување на папокот, како резултат на стомакот и матката и зголемениот абдоминален притисок, косата станува погуста и посјајна.

На што да обрнете внимание:

Спремете се и на време закажете го вториот скрининг во бременоста, на кој ќе ги видите сите органи на бебето одделно и детално.

Дваесетипрва недела

Вие и вашето бебе во дваесетипрвата недела од бременоста

Вашето бебе:

Тежината на бебето е околу 350грама, од сега па натаму бебето ќе тежи повеќе од постелката која беше потешка од него до овој момент, кожата на бебето е покриена со тенки, нежни влакненца наречени лануго, чија функција точно не се знае, но се смета дека ја регулираат соодветната температура на бебто и исчезнуваат пред раѓањето.

Вие:

Стомакот брзо расте, чувствувате поголем глад.

На што да обрнете внимание:

Дваесетивтората недела

Вие и вашето бебе во дваесетивтората недела од бременоста

Вашето бебе:

Бебето започнува да прави шема на спиење и будење која не мора да биде иста со вашата. Додека вие сте релаксирани и се спремате да заспиете, вашето бебе може да е активно и будно.

Вие:

Можно е да се појават стрии по стомакот, градите и бутовите, може да се појави млеко од дојките, што е нормално, може да се појави отекување на долните екстремитети.

На што да обрнете внимание:

Бидете активни, исхранувајте се правилно.

Дваесетитрета недела

Вие и вашето бебе во дваесетитретата недела од бременоста

Вашето бебе:

Белите дробови на бебето сеуште не се способни за дишење, но бебето ги вежба тие движења во матката. Бебето се снабдува со кислород постелката и тоа останува така до породувањето.

Вие:

Можно е да забележите појава на хемороиди, кои може да се доста непријатни. Чувството на замореност и недостиг на сон е нормално и често во текот на бременоста.

На што да обрнете внимание:

Информирајте го вашиот гиенколог-акушер за било какви промени кои ќе ги забележите кај вас и вашето бебе.

Дваесетичетврта недела

Вие и вашето бебе во дваесетичетвртата недела од бременоста

Вашето бебе:

Се смета дека вашето бебе да се роди и пред време, веќе е спемно за преживување бидејќи белите дробови и останатите витални органи се веќе развиени.

Вие:

Може да забележите кандидијаза (габична инфекција), која е доста непријатна, но не предизвикува штета врз вашето бебе. Консултирајте се со вашиот гинеколог-акушер за соодветен третман.

На што да обрнете внимание:

Правете редовни антенатални прегледи.

Дваесетипетта недела

Вие и вашето бебе во дваесетипеттата недела од бременоста

Вашето бебе:

Вашето бебе е активно и реагира на допир и звук. Редовно испушта урина во амнионската течност. Може да ика и да го забележите тоа движење.

Вие:

Може да забележите отекување на рацете и нозете поради задршка на течности поради хормоните од бременоста, пријавете го тоа кај вашиот гинеколог-акушер со цел да се исклучи посериозна состојба наречена пре-еклампсија. Може да се појаво болка во грбот.

На што да обрнете внимание:

Правете редовни антенатални проверки. Информирајте го вашиот гинеколог-акушер доколку немате документ за крвна група. Доколку сте Рх-негативни, а вашиот партнер е Рх-позитивен потребно е да направите дополнителни испитувања (Coombs тест) за кои ќе ве информира вашиот гинеколог-акушер.

Дваесетишеста недела

Вие и вашето бебе во дваесетишестата недела од бременоста

Вашето бебе:

Бебето започнува да ги отвара очите и да трепка.

Вие:

Можна е појава на проширени вени. Правете вежби за зацвстување на пелвичните мускули.

На што да обрнете внимание:

Редовно примајте ги витамните и минералите. Можете да започнете со масажа на перинеумот од 35та гестациска недела.

Дваесетиседма недела

Вие и вашето бебе во дваесетиседмата недела од бременоста

Вашето бебе:

Отчукувањата на срцето се околу 140 удари во минута. Мозокот, белите дробови и дигестивниот систем се целосно развиени, но не се целосно созреани и се развиваат и понатаму.

Вие:

Можна е појава на крварења од носот, консултирајте го вашиот гинеколог-акушер. Честа е појава на стрии.

На што да обрнете внимание:

Правете редовни прегледи.

Дваесетиосма недела

Вие и вашето бебе во дваесетиосмата недела од бременоста

Вашето бебе:

Вашето бебе тежи околу 1кг и е целосно оформено. Срцето на бебето сега може да се слушне со стетоскоп. Бебето напредува во килажата, се зголемува масното ткиво под кожата.

Вие:

На вашиот закажан преглед кај вашиот гинеколог-акушер ќе ви биде измерен крвниот притисок, ќе биде проверена урината за присуство на протеини, дискутирајте ги резултатите од претходно направените скрининзи. Може да забележите горење во желудникот или рефлукс на киселини од желудникот, кои можат да бидат доста непријатни. Побарајте совет од вашиот гинеколог-акушер. Доколку сте Рх-негативна, а вашиот партнер е Рх-позитивен потребно е да примити имунопрофилакса за што е потребно да се консултирате со вашиот гинеколог-акушер.

На што да обрнете внимание:

Информирајте се за начините на породување. Обидете се да останете активни и да вежбате.

Дваесетидеветта недела

Вие и вашето бебе во дваесетидеветтата недела од бременоста

Вашето бебе:

Вашето бебе продолжува да е активно во овој период и вие ги забележувате тие движења. Ако забележите промени во шемата на движење на вашето бебе, пријавете го тоа кај вашиот гинеколог-акушер.

Вие:

Матката расте и ги потиснува белите дробови, што може да предизвика да ви фали воздух. Отечени зглобови се чести во бременоста.

На што да обрнете внимание:

Пробајте да не стоите предолго на нозе, да одморате со подигнати нозе, пешачете ако нема контраиндикации, пијте доволно количество вода, носете удобни чевли и чорапи. Мерете го редовно крвниот притисок и информирајте го вашиот гинеколог-акушер за било какви отстапувања.

Триесетта недела

Вие и вашето бебе во триесеттата недела од бременоста

Вашето бебе:

Се развива рефлексот за цуцање и вашето бебе може да го цуца палчето или другите прсти, бебето добива на килажа и кожата не е збрчкана туку повеќе изгледа мазна. Верникост и лануго влакненцата кои го препокриваат бебето, започнуваат да исчезнуваат полека.

Вие:

Грчеви во нозете навечер се чест симптом во перидо од 29та до 32ра гестациска недела. Може да биде отежнато спиењето поради неможност да најдете соодветна позиција. Пробајте да најдете соодветна позиција и перница. Може да се појави чешање, кое може да помине само од себе или да е предизвикано од некоја здравствена состојба. Консултирајте го вашиот гинеколог-акушер.

На што да обрнете внимание:

Правете редовни антенатални контроли, разговарајте со вашиот гинеколог-акушер за начините на породување, информирајте за гинеколози-акушери што работат во болница.

Триесетипрва недела

Вие и вашето бебе во триесетипрвата недела од бременоста

Вашето бебе:

Белите дробови на вашето бебе брзо се развиваат, но тоа сеуште не е способно самостојно да дише.

Вие:

На секој следен преглед кај вашиот гинеколог-акушер ќе ви биде измерен крвниот притисок и ќе биде направена проверка на крвната слика и урината. Високиот крвен притисок може да биде штетен за вас и вашето бебе, а исто така може да биде ран знак на прееклампсија. Други знаци за прееклампсија вклучуваат тешка главоболка, проблеми со видот и болка под ребрата.

На што да обрнете внимание:

Разгледајте ги опциите за породување, разговарајте со вашиот гинеколог-акушер за начините на обезболување (спинална/епидурална анестезија).

Триесетивтора недела

Вие и вашето бебе во триесетивтората недела од бременоста

Вашето бебе:

Бебето најчесто лежи со главата надолу, спремно за породување во главична презентација. Ако вашето бебе не лежи со главата надоле, нема простор за загрижување. Како и да е, сеуште е мало и до 35та гестациска недела сеуште може да ја менува положбата. Количината на амнонска течност се зголемува, а бебето постојано ја голта и ја исфрла како урина.

Вие:

Останување активни и фит во текот на бременоста ќе ви помогне во адаптирање на новата форма и тежина на телото, ќе го олесни справувањето со породувањето и полесно ќе се вратите во форма по породувањето. Може да почувствувате карлична болка во текот на бременоста, која не е опасна, но може да го поремети вашето секојдневие. Информирајте го вашиот гинеколог-акушер.

На што да обрнете внимание:

Правете редовни антенатални контроли и разговарајте со вашиот гинеколог-акушер за сите промени што ќе ги забележите.

Триесетитрета недела

Вие и вашето бебе во триесетитретата недела од бременоста

Вашето бебе:

Нервниот систем и мозокот на бебето се целосно развиени.

Вие:

Ограничете го внесот на кофеин кој може да е причина за предверемено породување и мала телесна тежина на новороденото на не повеќе од 200мг дневно. Нормална е појавата на желудочна киселина и горење во желудникот како резултат на хормоните од брмееноста и промените кои настануваат во телото. Обидете се да си помогнете со правилна исхрана и промени во животниот стил. Разговарајте со вашиот гинеколог-акушер.

На што да обрнете внимание:

Правете редовни антенатални контроли, редовни проверки на крвната слика и урината, редовно мерете го крвниот притисок и разговарајте со вашиот гинеколог-акушер за било какви промени.

Триесетичетврта недела

Вие и вашето бебе во триесетичетвртата недела од бременоста

Вашето бебе:

Коските на бебето продолжуваат да окоскуваат, со исклучок од оние на черепот. Тие остануваат меки и раздвоени со цел да го олеснат минувањето на бебето низ родилниот канал во текот на породувањето. Тие можат нежно да се движат и да се преклопат во текот на породувањето со цел да го олеснат породувањето, а истовремено да го заштитат мозокот.

Вие:

Прееклампсија е состојба која понекогаш се развива во бременоста, особено после 20та гестациска недела. Разговарајте со вашиот гинеколог-акушер ако забележите покачување на крвниот притисок, главоболки, проблеми со видот, болки под десниот ребрен лак, промени во крвната слика.

На што да обрнете внимание:

Правете редовни антенатални контроли, одберете го породилиштето каде планирате да се породувате.

Триесетипетта недела

Вие и вашето бебе во триесетипеттата недела од бременоста

Вашето бебе:

Бебето е целосно свиткано во вашата матка, со нозе преку глава, просторот за движење е ограничен, но тие сеуште ја менуваат својата позиција и можете да ги забележите движењата на површината од вашиот стомак. Ако вашето бебе е момче, неговите тестиси почнуваат да се спуштаат од абдоменот во скротумот.

Вие:

Може да се чувствувате забавено и уморно поради покачената телесна тежина, може да почувствувате и болка во рбетот. Движењата на бебето треба да ги чувстввате до моментот на породување. Ако забележите некакви отстапки во шемата на движење на вашето бебе, веднаш информирајте го вашиот гинеколог-акушер.

На што да обрнете внимание:

Правете редовно антенатални проверки и разговарајте со вашиот гинеколог-акушер за начините на породувањето.

Триесетишеста недела

Вие и вашето бебе во триесетишестата недела од бременоста

Вашето бебе:

Белите дробови на бебето се целосно развиени, и тоа е спремно за самостојно дишење по породувањето. Дигестивниот систем е целосно развиен и тоа е способно да се храни ако се породи сега.

Вие:

Може да забележите лесно затегање во долниот дел на абдоменот од време на време. Оваа појава е нормална во текот на овој период од бременоста, наречена Braxton-Hicks контракции, кои се лажни, подготвителни за породувањето кое следи. Кога контракциите се посилни, подолги и почести можеби породувањето веќе започнало и треба веднаш да го информирате вашиот гинеколог-акушер, особено кога тие контракции се на 5 минути и траат најмалку 60 секунди.

На што да обрнете внимание:

Правете редовни антенатални контроли, доколку имате контракции вашиот гинеколог-акушер ќе препорача правење на НСТ преку кој ќе ги регистрира контракциите на матката и срцевите тонови на вашето бебе.

Триесетиседма недела

Вие и вашето бебе во триесетиседмата недела од бременоста

Вашето бебе:

Вашата бременост се смета за терминска. Просечната тежина на бебто е околку 3-4кг во овој период. Вашето е бебе е спремно за да биде родено и да се запознаете во следниот период. Цревата на бебето (дигестивниот систем) содржи мекониум- леплива зелена супстанца која ја претставува првата столица на бебето која ќе ја исфрли по породувањето. Таа може да соджи и делови од лануго, кои го препокриваа бебето порано во бременоста.

Вие:

Бебето полека се спушта во долниот дел на абдоменот и можете да почувствувате притисок во долниот дел од абдоменот. Ако ова не е ваша прва бременост, бебето не мора да се спушти се до моментот на породување. Може да забележите млеко од вашите дојки, што е нормално.

На што да обрнете внимание:

Пратете ја шемата на движење на вашето бебе. Информирајте го вашиот гинеколог-акушер ако забележите промени во движењето на вашето бебе, ако чувствувате болки, прсне воденикот или ако забележите вагинално крварење.

Триесетиосма недела

Вие и вашето бебе во триесетиосмата недела од бременоста

Вашето бебе:

Ако вашето бебе се испразни во текот на породувањето, што може да се случи понекогаш, амнионската течност ќе содржи мекониум. Поради тоа е потребно бебето да се набљудува почесто зашто тоа може да значи дека бебето е под стрес.

Вие:

Породувањето обично настанува меѓу 38ма и 42ра гестациска недела. Разговарајте со вашиот гинеколог-акушер за тоа што треба да очекувате ако вашата бременоста го помине веројатниот термин за породување.

На што да обрнете внимание:

Триесетидеветта недела

Вие и вашето бебе во триесетидеветта недела од бременоста

Вашето бебе:

Во овие последни недели од бременоста главата на бебето се спушта надолу во карлицата, и со тоа движење велиме дека главата на бебто е ангажирана. Може да забележите дека и целиот стомак е спуштен надолу. Во некои случаеви, главата може да не е спуштена, или ангажирана, се до моментот на породување.

Вие:

Пре-еклампсијата е сериозна состојба која може да се јави во текот на бременоста. Може да биде без симптоми, но со мерење на крвниот притисок и проверка на крвната слика и урина може рано да се детектира. Веднаш разговарајте со вашиот гинеколог-акушер ако забележите нагло зголемување на отоците по телото и зглобовите, ако имате главоболки, проблеми со видот или болки под десен ребрен лак.

На што да обрнете внимание:

Четириесетта недела

Вие и вашето бебе во четириесеттата недела од бременоста

Вашето бебе:

Нежните влакненца-лануго кои го препокриваа телото на вашето бебе, сега целосно се паднати, иако кај некои бебиња може да се забележат делови од истото и при породувањето.

Вие:

Бременоста обично трае 40 недели, или 280 дена од првиот ден на вашата последна менструација. Понекогаш породувањето може да започне и порано, а понекогаш може да го премине веројатниот термин на породување. Разговарајте со вашиот доктор за опција за започнување на породувањто, кое секако е ваш избор. Во консултација со вашиот гинеколог-акушер може да се одлучите за експектативен менаџмент, со редовни антенатални контроли.

На што да обрнете внимание:

Четириесетипрвата недела

Вие и вашето бебе во четириесетипрвата недела од бременоста

Вашето бебе:

Поради хормоните во вашето тело, гениталиите на бебето може да личат отечени кога ќе се породи бебето, но набрзо се враќаат во нормала.

Вие:

Ако претходно сте имале бебе, на овој преглед во оваа гестациска недела ќе ви биде понудено одлепување на обвивките. Тоа е вагинален преглед со кој се стимулира грлото на матката за создавање на хормони кои ќе го активираат раѓањето. Секако дека за ова треба да разговарате со вашиот гинеколог-акушер и заедно да донесете одлука.

На што да обрнете внимание: